Ukrayna, Kiyev/müxbir Trend Z.Novosvitski/GUAM dövlət başçıları Şurası iclasının - sammitinin 2007-ci ilin iyununda Azərbaycanda keçirilməsi planlaşdırılır. Bu barədə Trend in xüsusi müxbirinə GUAM-ın informasiya ofisindən məlumat verilib.
Sammit öncəsi GUAM xarici işlər nazirləri Şurası iclasının keçirilməsi planlaşdırılır. XİN rəhbərləri və prezidentlərin Bakı iclaslarının hazırlıq məsələlərinə milli koordintorların 15-16 mart tarixində Kiyevdə keçiriləcək görüşündə baxılacaq.
2006-cı il mayın 23-də Kiyevdə GUAM sammitinin plenar iclasında GUAM (Gürcüstan, Ukrayna, Azərbaycan və Moldova) dövlət başçıları "Demokratiya və iqtisadi inkişaf naminə Təşkilat - GUAM"-ın yaradılması üzrə deklarasiya imzalayıb və təşkilatın nizamnaməsini qəbul edib. Nizamnaməyə əsasən, dövlət başçıları Şurası qayda olaraq ildə bir dəfə iclas keçirir.