Azərbaycan, Bakı/ Trend müxbir E.Hüseynli/ Azərbaycan Hərbi Hava Qüvvələri (HHQ) və Hava Hücumundan Müdafiə Qoşunları üçün yeni təyyarələr alınıb və yaxın vaxtlarda müasir standartlara cavab verən aerodromlardan birinin açılışı planlaşdırılır. Bu barədə HHQ və HHMQ komandanı, general-leytenant Rail Rzayev məlumat verib. Komandan ABŞ-ın Cənubi Qafqazda, o cümlədən Azərbaycanda raket hücumlarından müdafiə sistemləri quraşdıracagı barədə məlumatlarla tanış oldugunu desə də, məsələyə münasibət bildirmək istəməyib. Rusiyanın ABŞ-ın bu addımının qarşılıgında regiondakı hərbi bazalarında S-300 və S-400 raketləri yerləşdirəcəyi barədə fikirlərə gəlincə, o, bu məlumatları "boş şey" adlandırıb.
...