Azərbaycan,Bakı/müxbir Trend S.Ağayeva/Rusiya Federasiyası Şurasının rəhbəri Sergey Mironovun Bakıya rəsmi səfəri başlayıb. Federasiya Şurasının rəhbəri əvvəlcə Azərbaycanın sabiq prezidenti Heydər Əliyevin Fəxri Xiyabandakı məzarını və 20 yanvar 1990-cı il faciəsi qurbanlarının dəfn olunduğu Şəhidlər Xiyabanını ziyarət edib. Hazırda nümayəndə heyətini Azərbaycan Milli Məclisinin rəhbəri Oqtay Əsədov qəbul edir.
Daha sonra Mironov respublikanın baş naziri Artur Rəsizadə ilə görüşəcək. Günün ikinci yarısında Federasiya Şurasının rəhbəri Bakı Slavyan Universitetinə baş çəkəcək. Universitetdə o, professor-müəllim heyəti və tələbələrlə görüşəcək. Bundan sonra Mironov Heydər Əliyev Fondu ilə tanış olacaq.
Axşam saatlarında isə o, Azərbaycan prezidenti İlham Əliyevlə görüşəcək. Səfər çərçivəsində Sergey Mironov Milli Məclisin rəhbəri Əsədovla birgə mətbuat konfransı keçirəcək. Bundan başqa əməkdaşlıq haqqında sazişin imzalanması gözlənilir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
