Azərbaycan, Bakı / Trend , müxbir İ.Əlizadə/ Milli Birlik Hərəkatının lideri Lalə Şövkət Hacıyeva, Müsavat Partiyasının başqanı İsa Qəmbər və Azərbaycan Xalq Cəbhəsi Partiyasının sədri Əli Kərimli Avropa Şurası Parlament Assambleyasının (AŞPA) yaz sessiyasına dəvət olunublar. Müxalifətçiləri sessiyaya AŞPA-nın Azərbaycan üzrə həmməruzəçisi Andres Herkel dəvət edib. A.Herkel müxalifət liderlərinin Azərbaycanın Avropa Şurası qarşısında götürdüyü öhdəliklərin yerinə yetirilməsinə həsr olunmuş məruzənin müzakirəsində iştirakını istəyir.
Strasburqa dəvət olunan müxalifət liderləri hələlik buna cavab verməyiblər.