Azərbaycan, Bakı / Trend müxbir S.İlhamqızı/ Demokratik İslahatlar Partiyasının sədri, millət vəkili Asim Mollazadə bazar ertəsi ATƏT-in Bakı ofisinin rəhbəri Xose Luis Herrero ilə görüşüb. Bu barədə Demokratik İslahatlar Partiyasından (DİP) məlumat verilib.
Görüşdə ölkədəki ictimai-siyasi vəziyyət, DİP-in fəaliyyəti müzakirə olunub.
Asim Mollazadə ATƏT təmsilçisinə partiyası haqqında ətraflı məlumat verib, DİP-in Azərbaycanda seçki sisteminin islahatlarına dair təkliflərini Herreronun diqqətinə çatdırıb.
Herrero da öz növbəsində ATƏT-in siyasi partiyalar üçün nəzərdə tutulan tədbirləri ilə bağlı Asim Mollazadəni məlumatlandırıb. O, Demokratik İslahatlar Partiyasını bu tədbirlərdə iştiraka dəvət edib.