Azərbaycan, Bakı/ Trend müxbir S.İlhamqızı/Azərbaycanın bir qrup ziyalısının Dağlıq Qarabağ və Ermənistana səfəri münaqişənin həllində strategiya dəyişikliyi deyil, yeni bir taktiki addımdır. Bu barədə Azərbaycan Prezidenti İcra Aparatı beynəlxalq əlaqələr şöbəsinin müdiri Novruz Məmmədov bazar ertəsi jurnalistlərə açıqlamasında bildirib.
Qeyd edək ki, Azərbaycan və Ermənistanın Rusiyadakı səfirlərinin başçılığı ilə bir qrup azərbaycanlı və erməni ziyalısı Dağlıq Qarabağ və Ermənistanda olub, Dağlıq Qarabağ separatçılarının "lideri" Arkadi Qukasyan və Ermənistan prezidenti Robert Köçəryanla görüşüblər.
Novruz Məmmədov qeyd edib ki, səfər normal qarşılanmalıdır və bu taktiki addımın müsbət tərəfləri var, ondan istifadə etmək lazımdır. "Səfər müəyyən məsələlərlə bağlı ətraflı məlumat verir ki, onlar bizə lazımdır. Burda qeyri-adi heç nə yoxdur. Səfərin nəticələri təhlil edilməlidir. Qarabağ münaqişəsinin həlli istiqamətində hər bir addımın atılması lazımdır".
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
