Azərbaycan, Bakı / Trend müxbir Z.Səfərov/ Azərbaycanlı ox atan Zinət Vəliyeva Pekin Parolimpiadasına lisenziya qazana bilər.
Milli Parolimpiya Komitəsindən Trend ə verilən məlumata görə, idmançı tərəfindən göstərilən nəticə ox atanın 2008-Oyunlarına vəsiqə qazanmasına ümid etməyə imkan yaradır. Hazırkı məsələyə ilin axırında aydınlıq gələcək. Çünki ilin sonunda bu mövsüm ərzində bütün nüfuzlu yarışlarda idmançıların göstərdikləri nəticələrin yer aldığı reytinq cədvəli açıqlanacaq.
Azərbaycan komandası artıq Olimpiya Oyunlarına yüngül atletika, güllə atıcılığı və cüdo üzrə 15 vakansiya qazanıb. Onların sayı yaxın zamanlarda arta bilər.