Azərbaycan, Bakı/ Trend , müxbir B.İmanov/ Kaman atıcılığı Federasiyasının hesabat- seçki statuslu növbədənkənar konfransı keçirilib. Əvvəlcədən gözlənildiyi kimi, konfransda Federasiyaya yeni rəhbər seçilib. Federasiyanın yeni rəhbəri biznesmen Şahin Mövsümov olub.
İndiyə qədər Federasiyaya rəhbərlik etmiş Namiq Yusifov vitse- prezident təyin olunub.
Maddi problemlər ucbatından bu idman növü Azərbaycanda, demək olar ki, inkişaf etməyib.
Federasiyanın yeni rəhbəri bəyan edib ki, bu idman növünü yeni inkişaf səviyyəsinə çıxarmaq üçün mümkün olan hər şeyi edəcək.