Azərbaycan, Bakı, 19 oktyabr /müx. TrendLife Eldar Hüseynzadə/
Oktyabrın 24-də Hüseyn Cavidin 125 yaşı tamam olur. Prezident İlham Əliyevin sərəncamı ilə bağlı, bir çox tədbirlər planlaşdırılır. Cavidin kitabının təqdimatı keçiriləcək. Oktyabrın 20, 21, 24, 27-də Kamera teatrının səhnəsində "Şeyx Sənan" tamaşası göstəriləcək. Tamaşanın rejissoru Cənnət Səlimovadır. Rollarda Şövqi Hüseynov, Seyidşah Məmmədov, Leyli Vəliyeva, İlqar Cahangirov və başqaları iştirak edəcəklər.