Azərbaycan, Bakı, 23 fevral / Trend , müxbir S.İlhamqızı/ Xocalı soyqırımının 16-cı ildönümü ilə əlaqədar bazar günü Türkiyənin İstanbul şəhərində mərkəzi Taksim meydanında tədbir keçiriləcək. Bu barədə Trend ə Türk Dünyası İnsan Hakları Derneyi İstanbul təmsilçisi Erol Şahingil məlumat verib.
Saat 13.00-da keçiriləcək anım mərasimini Türk Dünyası İnsan Haqları Dərnəyinin İstanbul nümayəndəliyi və Azərbaycan Dayanışma Dərnəyi təşkil edəcək. Aksiyada erməni vəhşiliyinə, Xocalıda soyqırım törədən ermənilərin yalançı "erməni soyqırımı" iddialarına etirazlar bildiriləcək.