Azərbaycan, Bakı, 27 fevral /müx. TrendLife Safura/
Gülyanaq Məmmədova ikinci dəfə ana olacaq. Bu haqda danışmağa utanan Gülyanaq xanım TrendLife-a bunları söylədi: "Bizim nəsildə uşaq çoxdur. Nəvələr arasında oğlan da var, qız da. Çoxuşaqlı ailədə böyüdüyüm üçün həmişə özüm də çox övlad arzusunda olmuşam. Həyat yoldaşımın ailəsində isə qızımız ilk nəvədir. Bundan sonra dünyaya gələcək övladımın can sağlığı bizim üçün daha önəmlidir. İnşaallah ikinci övladım olandan sonra qismət olsa, üçüncü övlad da istəyirəm".