Azərbaycan, Bakı, 17 aprel/ " , müxbir R.Ergün/ Qarşıdakı 17-ci mövsümdən etibarən Azərbaycanın futbol üzrə Premyer-Liqasının oyunlarına əcnəbi hakimlər dəvət olunmayacaq. "Qarşıdakı mövsümdə Premyer-Liqanın oyunlarını idarə etmək üçün Azərbaycana əcnəbi hakimləri dəvət etməyəcəyik" cümə axşamı Trend a AFFA Hakimlər Komitəsinin sədri Xəqani Məmmədov deyib.
Azərbaycan Premyer-Liqasının 16-cı mövsümündə 3 oyunu əcnəbi hakimlər idarə edib.
Məmmədov deyib ki, bu mövsümün qalan turlarında və mayın 28-də keçiriləcək ölkə kubokunun final oyununda Almaniyadan olan hakimlərin xidmətindən istifadə edilməsi mümkündür.
Komitə sədrinin sözlərinə görə, bir neçə gün əvvəl AFFA Hakimlər Komitəsinin sədri vəzifəsində Murad Məmmədovu əvəzləyib.
Məmmədov 1998-2001-ci illər aralığında da Hakimlər Komitəsinin sədri kimi fəaliyyət göstərib.
Məmmədov 1989-cu ildən 2005-ci ilin oktyabrının 22-nə kimi hakim olaraq həm beynəlxalq dərəcəli oyunları, həm də Azərbaycan çempionatının oyunlarını idarə edib.
Məqalə müəllifi ilə əlaqə ünvanı: [email protected]