Azərbaycan, Bakı, 18 aprel / Trend , müxbir R.Ergün/ Azərbaycan Futbol Federasiyaları Assosiasiyasının (AFFA) keçmiş prezidenti Azərbaycanın futbol üzrə Premyer-Liqasının oyunlarına əcnəbi hakimlərin dəvət olunmasını yaxşı hal kimi qiymətləndirir. "Mən Premyer-Liqanın başa çatmasına bir neçə tur qalmış prinsipial oyunları idarə etmək üçün əcnəbi hakimlərin çağırılmasını dəstəkləyirəm", cümə günü Trend a AFFA-nın keçmiş prezidenti Fuad Musayev deyib.
Musayev AFFA-ya 12 ilə yaxın rəhbərlik edib və 2003-cü ildə Ramiz Mirzəyevlə əvəzlənib.
O, AFFA-nın hazırkı rəhbəri Rövnəq Abdullayevin işini qiymətləndirməyin tez olduğunu, bunun üçün bir qədər gözləməyin lazım gəldiyini bildirib.
Musayev AFFA-ya başçılıq etdiyi dövrdə "Şəfa" stadionunun tikintisi ilə məşğul olması ilə daha çox yadda qalıb.
Keçmiş prezident Federasiyadan ayrılandan sonra heç bir futbol təşkilatında fəaliyyət göstərmir.
Məqalə müəllifi ilə əlaqə ünvanı: [email protected]