Azərbaycan, Bakı, 23 aprel/ Trend , müxbir İ.Əlizadə/ İnsan alverinə qarşı mübarizə məsələləri Latviya paytaxtı Riqada müzakirə olunacaq. "Aprelin 25-dən 27-dək Riqada Baltik Assambleyasının, Şimal Şurasının və Beneluks Parlamentlərarası Məşvərət Şurasının insan alverinə dair mübarizəyə həsr olunmuş üçtərəfli konfransı keçiriləcək", -deyə çərşənbə günü Milli Məclisin mətbuat xidmətindən Trend -a bildirilib.
İclasda demokratik cəmiyyətdə insan alveri ilə bağlı mübarizənin metodları, bununla bağlı mövcud qanunvericiliklərin təkmilləşdirilməsi, yeni hüquqi təşəbbüslər, bu sahədə qeyri-qanuni miqrasiyanın qarşısının alınması, baş verən cinayətlərdə məsuliyyəti olan şəxslərin cəzalandırılması və digər məsələlər müzakirə ediləcək.
İclasda Azərbaycanı Milli Məclisin deputatı Əli Məsimli təmsil edəcək.
Məqalə müəllifi ilə əlaqə ünvanı: [email protected]