Azərbaycan, Bakı, 29 aprel /müx. TrendLife Safura/
Müğənni Elçin Hüseynov mayın 23-də türk müğənnisi Çingiz Kürtoğlunu " Flaminqo" restoranına konsert verməyə dəvət edib. Konsertdən bir gün sonra isə adıçəkilən restoranda müğənnin toyu təşkil olunacaq. Bu haqda TrendLife-a müğənni özü danışıb. "Çingiz, toyuma qonaq qismində təşrif buyuracaq. Əlbəttəki, yerli müğənnilərimiz də bu şənlikdə iştirak edəcəklər. Bizim müğənnilər çıxış edəndə isə, Ç. Kürtoğlu dincələcək".
-Nüşabə Ələskərli oğlunun toyuna İbrahim Tatlısəsi dəvət etmişdi. Gördünüzdə, toyda nələr baş verdi. Həmin hadisənin təkrarlanacağından qorxmursunuz?
-Nüşabənin oğlunun toyu hər kəsə dərs oldu. İnanmıram ki, müğənnilərimiz özlərini yenə gülünc vəziyyətə salsınlar. Hər şeyin yaxşı keçməsindən əminəm.
-Gələcək həyat yoldaşınız kimdir?
-Cəlini mənim üçün valideynlərim seçib. Qohumumuzdur. Cəlilabad rayonundandır.Sadəcə olaraq, ailəsi Rusiyada yaşayır. Mən öz valideynlərimə hörmət edirəm. Dörd qardaş olmağımıza baxmayaraq, hamımız valideynlərimizin təkidi ilə ailə qurmuşuq.
-Bəs, sizin həyat yoldaşınız sizi qısqanmayacaq ki?
-Heç vaxt. Mən heç kimə şəxsi həyatıma qarışmağa izn vermərəm. Düşünürəm ki, Aysel də mənim sözümə qulaq asacaq.
Xatırladaq ki, "Flaminqo" restoranı 31 yaşlı müğənni Elçin Hüseynova məxsusdur.