Azərbaycan, Bakı, 08 iyul / Trend , müxbir A.Hüseynbala /
Dünyada söz və mətbuat azadlığının vəziyyəti Türkiyədə müzakirə olunacaq.
"Azərbaycan Mətbuat Şurasının sədri Əflatun Amaşovun da iştirak edəcəyi Ümumdünya Mətbuat Şuraları Assosiasiyasının illik toplantısı iyulun 9-10-da İstanbulda keçiriləcək", - çərşənbə günü Trend -a Mətbuat Şurasından bildirilib.
Trеnd Nеws-un аrаyışı: Azərbaycanda 3300-dən çох kütləvi infоrmаsyiа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 20-dən yuхarı tеlеkаnаl fəаliyyət göstərir. Аzərbаycаndа 50-yə yaxın elektron KIV, təxminən 20 informasiya agentliyi vаr. Qalanları isə internet resurslarıdır.
Şura sədri rəhbərlik etdiyi qurumun fəaliyyət prinsipləri, həyata keçirdiyi işlərlə bağlı məruzə edəcək: "Toplantıda kütləvi informasiya vasitələrinin özünütənzimləmə üsullarının təkmilləşdirilməsi də müzakirə olunacaq, mövcud problemlər araşdırılacaq və vəziyyətdən çıxış yolları müəyyənləşdiriləcək", - məlumatda vurğulanır.
Azərbaycan Mətbuat Şurası 2005-ci ildən Ümumdünya Mətbuat Şuraları Assosiasiyasının, Şura sədri Əflatun Amaşov isə qurumun İdarə Heyətinin üzvüdür. MŞ bu cür toplantılara artıq üçüncü dəfədir qatılır.
Məqalə müəllifi ilə əlaqə ünvanı: [email protected]