Dekabrın 7-də İranın İrşad və Mədəniyyət Nazirliyinin mətbuata nəzarət heyəti ölkənin tanınmış qəzetlərindən olan və İranın Ali rəhbəri Ayətullah Xamenin qardaşı Hadi Xameneiyə məxsus "Həyate No" (Yeni həyat) qəzetinin bağlanması barədə qərar qəbul edib. Bu barədə İranın FARS xəbər agentliyi məlumat yayıb.
Məlumatda bildirilir ki, "Həyate No" qəzeti qarşısında qoyulmuş məqsədə uyğun fəalliyət aparmadığı üçün bağlanıb. Məlumatda qəzetin müvəqqəti və ya ümumiyyətlə bağlanması haqda bildirilməyib. "Həyate No" qəzeti hökumətə qarşı tənqidi yazılarla tanınır.
Hadi Xamenei qardaşından fərqli olaraq solçu ruhanilərdəndir.