Azərbaycan, Bakı, 10 dekabr / Trend , müxbir M. Əliyev/
Azərbaycanın Təhsil Nazirliyi Azərbaycanın Prezident Administrasiyasının rəhbəri Ramiz Mehdiyevin təhsil sahəsindəki problemlərdən danışan məqaləsini nəzərə alacaq.
"Biz bütün deyilənləri nəzərə alacağıq və çalışacağıq ki, bu kimi problemlər bir daha olmasın", - təhsil naziri Misir Mərdanov cümə axşamı jurnalistlərə deyib.
"Azərbaycan" qəzetinin 8 dekabr tarixli nömrəsində Azərbaycanın Prezident Administrasiyasının rəhbəri akademik Ramiz Mehdiyevin təhsil və elm sahəsindəki problemlərə həsr olunmuş "İctimai və humanitar elmlər: zaman kontekstində baxış" adlı məqaləsi dərc edilib.