Azərbaycan, Bakı, 25 dekabr / Trend , müxbir M. Əliyev/
Azərbaycanda texniki-peşə məktəblərinin sayının artırılması planlaşdırılır.
Azərbaycanın hər bir iqtisadi rayonunda bu regionun tələblərinə cavab verən texniki-peşə məktəbləri yaradılacaq, cümə günü təhsil naziri Misir Mərdanov jurnalistlərə deyib.
Onun sözlərinə görə, hazırda hər bir regionun tələbləri öyrənilir. Artıq Qəbələdə müasir texniki-peşə məktəbi istismara verilib, Avropa Komissiyasının və "Azərsun holdinq"in dəstəyi ilə isə İsmayıllı və Biləsuvarda məktəblər açılacaq, nazir məlumat verib.
"Billur" zavodunun dəstəyi ilə həmçinin Gəncədə də texniki-peşə məktəbi yaradılacaq", - Mərdanov deyib.