Azərbaycan, Bakı, 28 dekabr / Trend , müxbir M.Əliyev/
Gələn ildən etibarən Azərbaycanda futbol totalizatoru fəaliyyət göstərəcək.
"Rəsmi totalizator may ayından fəaliyyətə başlayacaq", - bu barədə bazar ertəsi Azərbaycanın gənclər və idman naziri Azad Rəhimov jurnalistlərə deyib.
Gənclər və İdman Nazirliyində Türkiyə şirkəti "İnteltex"-lə birgə totalizator işini aparacaq "Azəridmanservis" şöbəsi yaradılıb.
"Dövlət totalizatordan 70%, Azərbaycan Futbol Federasiyaları Assosiasiyası (AFFA) isə 30% gəlir əldə edəcək", - nazir deyib. Bu vəsaitlər idmanın, həmçinin uşaq futbolunun inkişafına sərf ediləcək.