...

Azərbaycanda bir qrup dövlət qulluqçusu etik davranış qaydalarını pozduqları üçün cəzalandırılıb

Cəmiyyət Materials 11 Yanvar 2010 10:55 (UTC +04:00)
Ötən il Qaçqınların və Məcburi Köçkünlərin İşləri üzrə Dövlət Komitəsində, Əmək və Əhalinin Sosial Müdafiəsi Nazirliyində, Dövlət Statistika Komitəsində, İqtisadi İnkişaf Nazirliyində, Əmlak Məsələləri Dövlət Komitəsində, Dini Qurumlarla İş üzrə Dövlət Komitəsində, Dövlət Şəhərsalma və Arxitektura Komitəsində, Bakı şəhəri Binəqədi rayon İcra Hakimiyyətində və Tovuz rayon İcra Hakimiyyətində çalışan bəzi dövlət qulluqçuları tərəfindən etik davranış qaydalarının pozulması hallarına yol verilib.
Azərbaycanda bir qrup dövlət qulluqçusu etik davranış qaydalarını pozduqları üçün cəzalandırılıb

Azərbaycan, Bakı, 11 yanvar / Trend , müxbir K.Zərbalıyeva/

Azərbaycanda bir qrup dövlət qulluqçusu etik davranış qaydalarını pozduqları üçün cəzalandırılıb.

Azərbaycan Prezidenti yanında Dövlət Qulluğu Məsələləri üzrə Dövlət Komissiyasının mətbuat xidmətindən bazar ertəsi Trend -a verilən məlumata görə, ötən il Qaçqınların və Məcburi Köçkünlərin İşləri üzrə Dövlət Komitəsində, Əmək və Əhalinin Sosial Müdafiəsi Nazirliyində, Dövlət Statistika Komitəsində, İqtisadi İnkişaf Nazirliyində, Əmlak Məsələləri Dövlət Komitəsində, Dini Qurumlarla İş üzrə Dövlət Komitəsində, Dövlət Şəhərsalma və Arxitektura Komitəsində, Bakı şəhəri Binəqədi rayon İcra Hakimiyyətində və Tovuz rayon İcra Hakimiyyətində çalışan bəzi dövlət qulluqçuları tərəfindən etik davranış qaydalarının pozulması hallarına yol verilib.

Bu dövlət qulluqçuları barəsində intizam tənbeh tədbirləri tətbiq edilib.

Etik davranış qaydalarını pozmuş Əmək və Əhalinin Sosial Müdafiəsi Nazirliyinin dörd, İqtisadi İnkişaf Nazirliyinin və Şəki şəhər İcra Hakimiyyətinin bir əməkdaşının dövlət qulluğuna xitam verilib.

Komissiya "Dövlət qulluqçularının etik davranış qaydaları haqqında" qanunla müəyyən edilmiş etik davranış qaydalarına əməl edilməsinə nəzarətin həyata keçirilməsi, qanunun tətbiqi ilə bağlı məsələlərin əlaqələndirilməsi və etik davranış məsələləri üzrə maarifləndirmənin aparılması məqsədi ilə tədbirləri davam etdirir.

Xəbər lenti

Xəbər lenti