Azərbaycan, Bakı, 12 yanvar / Trend , müxbir K.Zərbalıyeva/
Azərbaycanda qadın məhkumlar arasında Brein-rinq intellektual yarışması keçirilib.
Trend -un məlumatına görə, çərşənbə axşamı Penitensiar Xidmətin 4 saylı cəzaçəkmə müəssisəsində Gənclər və İdman Nazirliyinin Bakı şəhər Baş İdman İdarəsi ilə Penitensiar Xidmət arasında 2010-cu il üçün imzalanmış tədbirlər planına uyğun olaraq keçirilən yarışmaya 6 komanda qatılmışdı.
Komanda üzvləri Azərbaycanın tarixi, mədəniyyəti, incəsənəti, coğrafiyası, konstitusiyası, dünya ədəbiyyatı ilə bağlı sualları cavablandırıblar.
Birinci və ikinci yarımqurplarda yarışan komanda üzvləri hər oyunda 7 sual cavalandırıblar. Finalda Gülnarə Mirzəyevanın kapitanlıq etdiyi "Edelveys"komandası qalib olub. Qaliblərə diplom və qiymətli hədiyyələr təqdim olunub.
Həmin gün qadınların cəzaçəkdiyi müəssisədə qadın məhkumların əl işlərindən ibarət sərgi-müsabiqə də keçirilib. Sərgidə 46 əlişi nümayiş olunub. Nümayiş olunan işlər arasında rəsm və təsviri sənət, toxuculuq işləri yer almışdı.
Münsiflər heyətinin qərarı ilə Yaqut Abbasovanın əlişləri birinci, Sevil Əliyevanın çəkdiyi rəsm əsərləri ikinci, Gülnarə Mirzəyevanın əlişləri isə üçüncü yer tutub. Qaliblər mükafatlandırılıblar.
Bakı şəhər Baş İdman İdarəsinin rəisi Raqif Abbasov bildirib ki, bu il hər iki qurum arasında imzalanmış tədbirlər planına uyğun olaraq məhkumlar arasında müxtəlif idman yarışları, intellektual oyunlar, qanunlarla və məhkumların hüquqlarının öyrənilməsi ilə bağlı silsilə tədbirlərin keçirilməsi planlaşdırılır.
Bu kimi tədbirlərin məhkumların asudə vaxtlarının təşkilində, onların islahında və cəmiyyətə adaptasiyasında əhəmiyyətini vurğulayan Abbasov bu istiqamətdə işlərin davam etdiriləcəyini vurğulayıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
