Azərbaycan, Bakı, 21 yanvar / Trend , muxbir K.Zərbalıyeva /
Azərbaycan Nazirlər Kabineti təhsil müəssisələrinin əlavə gəlir əldə etmək məqsədilə məşğul olmasına yol verən sahibkarlıq fəaliyyəti növlərinin dairəsini müəyyən edib.
Nazirlər Kabinetindən cümə axşamı Trend -a bildiriblər ki, təhsil müəssisələri öz nizamnamələri çərçivəsində profil və fəaliyyət istiqamətlərinə uyğun olaraq aşağıdakı sahibkarlıq fəaliyyəti növləri ilə məşğul ola bilər.
Ödənişli əlavə təhsil, məsləhət-konsaltinq xidmətlərinin göstərilməsi, təhsil məhsulunun (təhsil sahəsində innovasiyalar, orijinal təhsil və fənn proqramları, təlim metodları sistemi, təhsil modulları, təhsil layihələri) satışı, elmi tədqiqat və təcrübi-konstruktor işləri, elmi-praktiki tədbirlərin təşkili, nəşriyyat-poliqrafiya işləri, tədris prosesində əldə olunan məhsulun satışı.
Nazirlər Kabinetinin qərarı imzalanan gündən - yanvarın 19-da qüvvəyə minib.