Azərbaycan, Bakı, 28 yanvar / Trend , müxbir H.Bağırov/ İrandan Azərbaycana qaçaqmalçılıq yolu ilə narkotik vasitə gətirməkdə ittiham olunan şəxslərin məhkəməsi başlayıb.
Trend -un məlumatına görə, bu gün Ağır Cinayətlərə Dair İşlər üzrə Məhkəmədə İran vətəndaşı Abbasi Əyyub, Əfqanistan vətəndaşları - Rzayi İsmətulla, Məhəmmədi Şahvəli, Əmiri Əsədulla, Yasin Rzayi, Azərbaycan vətəndaşları - Rövşən Hüseynov, Fuad Kələntərov, Nicat Kərimov, İlkin Məmmədovun cinayət işi üzrə məhkəmənin hazırlıq iclası keçirilib.
Məhkəmə baxışı fevralın 5-nə təyin edilib.
Təqsirləndirilən şəxslər 2009-cu il sentyabrın 6-da Milli Təhlükəsizlik Nazirliyi əməkdaşlarının keçirdiyi əməliyyat-tədbirləri nəticəsində Biləsuvar rayonu ərazisində tutulublar. Keçirilmiş baxış zamanı təqsirləndirilən şəxslərdən 11 kiloqram 500 qramdan artıq həşiş, 3 kiloqrama yaxın tiryək və 2 kiloqramdan artıq heroin aşkarlanaraq götürülüb.