Azərbaycan, Bakı, 29 yanvar / Trend , müxbir H.Bağırov/
Azərbaycanda metroya bomba qoyulması barədə yalan məlumat verən şəxsin məhkəməsi başlayıb.
Trend -un məlumatına görə, bu gün Ağır Cinayətlərə Dair İşlər üzrə Məhkəmədə Kürdəmir rayon sakini Elşən Məmmədovun cinayət işi üzrə məhkəmənin hazırlıq iclası keçirilib.
Məhkəmə baxışı fevralın 5-nə təyin edilib.
1993-cü il təvəllüdlü Məmmədov 2009-cu il noyabrın 9-da Bakı Metropoliteninin Məşədi Əzizbəyov stansiyasına bomba qoyulması barədə Daxili İşlər Nazirliyinin 102 xidmətinə məlumat verib. Aparılan araşdırmalardan sonra məlumat təsdiqini tapmayıb.
