Azərbaycan, Bakı, 1 mart / Trend , müxbir M.Əliyev/
Azərbaycanda sosial reklam sahəsində qanunvericilik bazası yardılmalıdır. Bu barədə Azərbaycan Milli Televiziya və Radio Şurasının (MTRŞ) sədri Nuşirəvan Məhərrəmli Trend deyib.
Onun sözlərinə görə, hazırkı məsələdə sistemli qaunvericilik aktları mövcud olmalıdır. "Əgər televiziyada və ya radioda hər hansısa fəaliyyət növu barədə ödənişsiz reklam yerləşdiriləcəksə, bu zaman digərlərinin reklama tələbatı yaranacaq. Bu isə telekanalların reklam siyasətindən gəlirini sual altına qoyur", - Məhərrəmli deyib.
MTRŞ-in sədri hesab edir ki, buna görə də sosial reklam müxtəlif təşkilatların sifarişi əsasında deyil, reklamın sosial əhəmiyyətini müəyyən edən bir struktur tərəfindən yerləşdirilməlidir."Əgər bu məsələ aktual olarsa, bu zaman MTRŞ mərkəzləşdirilmiş struktur olmağa hazırdır", - Məhərrəmli deyib.