Azərbaycan, Bakı, 02 mart / Trend , müxbir H.Bağırov/
İrandan Azərbaycana qaçaqmalçılıq yolu ilə narkotik vasitə gətirməkdə ittiham olunan şəxslərin məhkəməsi keçirilib.
Trend -un məlumatına görə, bu gün Ağır Cinayətlərə Dair İşlər üzrə Məhkəmədə çıxış edən prokuror İran vətəndaşı Abbasi Əyyubun 14 il, Əfqanıstan vətəndaşları Rzayi İsmətulla, Məhəmmədi Şahvəli, Əmiri Əsədulla, Yasin Rzayinin 4 il, Azərbaycan vətəndaşları - Rövşən Hüseynovun 14 il, Fuad Kələntərovun 14 il, Nicat Kərimovun 13 il, İlkin Məmmədovun 12 il müddətinə azadlıqdan məhrum edilməsini istəyib.
Təqsirləndirilən şəxslər 2009-cu il sentyabrın 6-da Milli Təhlükəsizlik Nazirliyi əməkdaşlarının keçirdiyi əməliyyat-tədbirləri nəticəsində Biləsuvar rayonu ərazisində tutulublar. Keçirilmiş baxış zamanı təqsirləndirilən şəxslərdən 11 kiloqram 500 qramdan artıq həşiş, 3 kiloqrama yaxın tiryək və 2 kiloqramdan artıq heroin aşkarlanaraq götürülüb.