...

Azərbaycanda dələduzluqda və rüşvət almaqda ittiham olunan hərbi qulluqçunun məhkəməsi başlayıb

Cəmiyyət Materials 19 Mart 2010 15:10 (UTC +04:00)
Trend News-un məlumatına görə, bu gün Ağır Cinayətlərə Dair İşlər üzrə Hərbi Məhkəmədə Müdafiə Nazirliyi Təlim-Tədris Mərkəzinin (TTM) müddətdən artıq hərbi qulluqçuların bölük komandiri, kapitan Ramil Xammədov cinayət işi üzrə məhkəmə prosesindən prokuror ittiham aktını elan edib.

Azərbaycan, Bakı, 19 mart / Trend , müxbir H.Bağırov/

Azərbaycanda dələduzluqda və rüşvət almaqda ittiham olunan hərbi qulluqçunun məhkəməsi başlayıb.

Trend -un məlumatına görə, bu günAğır Cinayətlərə Dair İşlər üzrə Hərbi MəhkəməMüdafiə Nazirliyi Təlim-Tədris Mərkəzinin (TTM) müddətdən artıq hərbi qulluqçuların bölük komandiri, kapitan Ramil Xammədov cinayət işi üzrə məhkəmə prosesindən prokuror ittiham aktını elan edib.

Prokurorun çıxışından sonra ifadə verən Xammədov elan olunmuş ittiham üzrə özünü təqsirli bilməyib.

Xammədov Cinayət Məcəlləsinin dələduzluq təkrar törədildikdə (178.2.2), dələduzluq şəxs tərəfindən öz qulluq mövqeyindən istifadə etməklə törədildikdə (178.2.3), rüşvətalma təkrar törədildikdə (311-3.2), rəisin və ya vəzifəli şəxsin hakimiyyətdən və ya öz qulluq mövqeyindən sui-istifadə etməsi, hakimiyyət həddini və ya qulluq səlahiyyətini aşması, hakimiyyətdən qəsdən istifadə etməməsi, bu əməllər müntəzəm, yaxud tamahkarlıq məqsədilə və ya digər şəxsi marağa görə törədildikdə, habelə bu əməllər əhəmiyyətli zərər vurduqda (341.1) maddələri ilə ittiham olunur.

2009-cu ilin iyununda Müdafiə Nazirliyinin Təlim-Tədris Mərkəzində (TTM) baş verən qanun pozuntuları ilə bağlı adıçəkilən hərbi hissənin bir qrup yüksəkrütbəli zabiti istintaqa cəlb olunub.

General-mayor Lənkəran Əliyev TTM rəisi vəzifəsindən çıxarıldıqdan sonra isə hərbi hissənin əksər xidmət sahələrində yoxlamalar başlanıb.

Yoxlama nəticəsində TTM-də külli miqdarda yeyinti faktı müəyyənləşdirilib, Cinayət Məcəlləsinin mənimsəmə, vəzifə səlahiyyətlərindən sui-istifadə və vəzifə saxtakarlığı maddələri ilə cinayət işi başlanılıb.

Bundan sonra TTM-in avtomobil xidməti rəisi, polkovnik-leytenant Arif Məmmədov, daxili əmrlə Mənzil İstismar Xidmətinin rəisini əvəzləyən, polkovnik-leytenant Elşən Abbasov, yanacaq anbarının rəisi, baş gizir Fikrət Abbasov, əşya xidməti rəisi, mayor Nazim Həsənov və maliyyə xidməti rəisi, polkovnik-leytenant İntiqam Mövlanverdiyev isə istintaqa cəlb olunublar.

Adıçəkilən hərbi qulluqçuların cinayət işinin ibtidai istintaqı ayrı icraatda aparılır.

Xəbər lenti

Xəbər lenti