Azərbaycan, Bakı, 6 may /Trend, müxbir M.Əliyev/
Bakı Şəhər İcra Hakimiyyəti mayın 10-da Ümummilli Lider Heydər Əliyevin anadan olmasının 87-ci ildönümünə həsr olunmuş Gül bayramı keçirəcək. Bu barədə idarənin məlumatında deyilir.
Gül bayramı saat 11:00-dan 20:00-dək Heydər Əliyev parkında keçiriləcək. Saat 21:00-da isə Milli Parkda incəsənət xadimlərinin konserti başlayacaq. Konsert 23:00-da möhtəşəm atəşfəşanlıqla başa çatacaq.
Bakı Şəhər İcra Hakimiyyəti paytaxt sakinlərini və qonaqları bayram münasibətilə təbrik edir və onları keçirilən tədbirlərdə iştirak etməyə çağırır.