Azərbaycan, Bakı, 13 may /Trend, müxbir M.Əliyev/
Azərbaycan Tələbələr İttifaqı (ATİ) Avropa Tələbələr Birliyinin müşahidəçi üzvü olub. Bu barədə ATİ-nin məlumatında deyilir.
Azərbaycan birliyin Madriddə keçirilən 58-ci iclasında ATB-nin 39-cu üzv ölkəsi olub.
Mərkəzi ofisi Brüsseldə yerləşən ATB 1982-ci ildə yaradılıb. Birlik 11 milyondan artıq tələbəni birləşdirir və Avropa Şurası, Avropa Komissiyası, YUNİSEF və ATƏT-lə əməkdaşlıq edir.
Azərbaycanın birliyə üzv olması ilə əlaqədar sentyabr-oktyabr aylarında Serbiya, Estoniya, Niderland və Polşadan olan tələbələrin nümayəndələri Azərbaycana səfər edəcəklər.
Bundan əvvəl ATİ Ümumdünya Tələbə Birliyi IAESTE-yə üzv qəbul edilib.