Azərbaycan, Bakı, 15 may /Trend, müxbir M.Əliyev/
Azərbaycanın Unibank Premyer Liqasının sonuncu turunun "Xəzər Lənkəran" - "Bakı" oyununda meydan sahiblərinin məğlubiyyəti yerli azarkeşlərin hiddətinə səbəb olub.
Çempionluq şansını əldən verdiyinə görə, azarkeşlər "Xəzər Lənkəran"ın baş məşqçisi Ağasəlim Mircavadovu istefaya səsləyiblər.
Bu gün keçirilən son turun oyununda "Xəzər Lənkəran" öz meydanında "Bakı"ya 0:1 hesabıyla uduzduğuna görə, çempionluq şansını əldən verib.
Bundan istifadə edən "İnter" doğma meydanda ""Qəbələ" klubunu 4:1 udmaqla birinci yere yüksəlib.