Azərbaycan, Bakı, 19 may /Trend, müxbir M.Əliyev/
İsveçdəki Azərbaycan diasporunun gənc fəalları yeni təşkilat yaradıblar. Bu barədə Trend-ə Diasporla İş üzrə Dövlət Komitəsinin mətbuat xidmətindən bildiriblər.
Stokholmda biraraya gələn gənc azərbaycanlıların keçirdiyi təsis konfransında Linköping Universitetinin Beynəlxalq əlaqələr fakültəsinin tələbəsi Mahirə Muxtarlı və Stokholm Universitetinin Hüquq və beynəlxalq əlaqələr fakültəsinin tələbəsi Fərəc Quliyev "İsveçin gənc azərbaycanlıları" təşkilatının nizamnaməsini təqdim ediblər.
Yaxın zamanlarda həmçinin İsveç Krallığında yaşayan soydaşlarımızın birgə fəaliyyətinin nəticəsi olaraq "İsveç Azərbaycanlıları Konqresi" yaradılacaq. Konqresin ilk qurultayının bu il iyunun 5-də Stokholda keçirilməsi gözlənilir.