İsrailin Baş naziri Benyamin Netanyahu İsrailin müxtəlif şəhərlərində rus mətbuatının mayın 23-dən 27-nə qədər keçiriləcək XII dünya konqresinin bazar günü Təl-Əvivdə açılış mərasimində çıxış edəcək.
Konqresin açılışında Rusiya Prezidenti Administrasiyasının rəhbəri Sergey Narışkin də iştirak edəcək.
Konqresin tədbirləri sırasına Rusiyanın İTAR-TASS agentliyinin fotosərgisi, faşizm üzərində qələbənin 65-ci ildönümünə həsr olunmuş rəsmi tədbir və s. daxildir.
Konqresin işində Azərbaycanın aparıcı KİV, o cümlədən, Trend Beynəlxalq İnformasiya Agentliyinin də iştirakı gözlənilir.