Azərbaycan, Bakı, 31 may /Trend, müxbir H.Bağırov/
Azərbaycanda əsgərlərdən hədə-qorxu yolu ilə pul tələb etməkdə ittiham olunan hərbi qulluqçulara hökm oxunub.
Trend -in məlumatına görə, bu gün Ağır Cinayətlərə Dair İşlər Üzrə Hərbi Məhkəmənin hökmü ilə Müdafiə Nazirliyinin "N" saylı hərbi hissəsinin hərbi qulluqçuları - Rəşad İlham oğlu Abdullayev 2, Tahir Budaq oğlu Məmmədov 1 və Əhməd Nəriman oğlu Məmmədov 1 il 3 ay müddətinə azadlıqdan məhrum ediliblər.
Təqsirləndirilənlər Cinayət Məcəlləsinin bir qrup şəxs, qabaqcadan əlbir olan bir qrup şəxs və ya mütəşəkkil dəstə tərəfindən tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma (332.2.1, 332.2.3), qabaqcadan əlbir olan bir qrup şəxs tərəfindən təkrar, zor tətbiq etmə ilə hədə-qorxu gəlmə (182.2.1, 182.2.2) maddələri ilə ittiham ediliblər.
Təqsirləndirilənlər xidmət etdikləri hərbi hissədə olduqları müddətdə əsgər yoldaşlarından hədə-qorxu yolu ilə pul tələb ediblər.
Cinayət işi üzrə 10 zərərçəkmiş şəxs var.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
