Аzərbaycan, Bakı, 2 iyul /Trend, müxbir М.Əliyev/
Azərbaycanlı idmançı, suyatullanma üzrə idman ustası Fərid Qurbanov iyulun 7-də idmanın bu növü üzrə Avropa Çempionatında iştirak edəcək, - Gənclər və İdman Nazirliyindən verilən məlumatda deyilir.
Finlandiyanın Helsinki şəhərində keçiriləcək Avropa Çempionatı iyulun 14-nə qədər davam edəcək.
İyulun 15-də Kanadanın Roberval şəhərində açıq suda üzgüçülük üzrə Dünya Çempionatında üç azərbaycanlı idmançı iştirak edəcək. Hər üç üzgüçü - Sergey Fesenko, İnqa Koçur və Anastasiya Jibkova 10 km məsafədə yarışacaqlar.