Azərbaycan, Bakı, 4 iyul /Trend, müxbir M.Əliyev/
ABŞ Konqresinin Azərbaycana qarşı 907-ci düzəlişi hazırkı reallıqlara uyğun gəlmir. Bu barədə bazar günü jurnalistlərə Amerika Yəhudi Komitəsinin icraçı direktoru Devid Allan Harris bildirib.
"Bu düzəliş hələ keçmiş sovetlər birliyi dövründə qəbul edilib və hazırda reallıqlara cavab vermir", - Bakıda səfərdə olan Komitənin icraçı direktoru bildirib.
1992-ci ilin oktyabrında ABŞ Konqresi keçmiş sovet respublikalarına dövlət yardımını tənzimləyən "Azadlığın Dəstəyi Aktı" adlı qanun qəbul edib.
Bu qanuna edilən 907-ci düzəliş Azərbaycanın rəsmi qurumlarına ABŞ hökuməti tərəfindən birbaşa yardımın göstərilməsinə qadağa qoyur. Düzəlişin qüvvədə olması 2002-ci ildən ABŞ Prezidenti tərəfindən dayandırılıb.
Harrisin sözlərinə görə, Azərbaycanla ABŞ-ın yəhudi icmaları arasında əməkdaşlıq inkişaf etməlidir və bu, Azərbaycanın ABŞ-da təbliğinə yardım edəcək.
İcma sədri bildirib ki, Amerika Yəhudi Komitəsi nümayəndə heyətinin dövlət katibi Hillari Klintonun səfəri ilə eyni vaxta təsadüf edən səfəri Birləşmiş Ştatların Azərbaycana nə dərəcədə mühüm önəm verdiyini göstərir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
.jpg)
