Azərbaycan, Bakı, 11 oktyabr /Trend/
Koreya Xarici Dillər Universitetinin "Türk-Azərbaycan dilləri fakültəsi"ndə "Buta Azərbaycan Mədəniyyət Dərnəyi" fəaliyyətə başlayıb.
Diasporla İş üzrə Dövlət Komitəsinin bazar ertəsi yaydığı məlumata görə, dərnəkdə "Buta" Azərbaycan-Koreya Tələbə Təşkilatının üzvləri Zaur Səfərov və Çinarə Ağacanova koreyalı tələbələrə Azərbaycan milli rəqslərini öyrədəcəklər.
Təşkilat ölkəmizin tarixi, mədəniyyəti, incəsənəti barədə məlumatları müxtəlif formatlı tədbirlər keçirməklə koreyalı tələbələrə aşılayacaq.
Azərbaycan dilini öyrənən koreyalı tələbələr üçün dərnəkdə şifahi nitq dərslərinin təşkili də nəzərdə tutulub.
Azərbaycanın Koreyadakı Səfirliyi "Buta Azərbaycan Mədəniyyət Dərnəyi"nə dəstək məqsədilə Azərbaycan haqqında məlumat xarakterli materiallar verib; yeni qurumu rəqs dərslərində istifadə olunması üçün milli paltarlarla təmin edib.
2008-ci ilin sonunda Koreya Xarici Dillər Universitetində rəsmi olaraq, "Türk-Azərbaycan dilləri fakültəsi"nin yaradılması haqqında qərar qəbul edilib. Fakültənin fəaliyyətə başlaması üçün hazırlıq işləri uğurla başa çatdıqdan sonra, 2009-cu ilin yaz semestrindən etibarən Azərbaycan dili kurslarının tədrisinə başlanılıb.
Yazı Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun layihəsi əsasında hazırlanıb
Layihə ilə bağlı yazılar aşağıdakı linqlərdir
http://az.trend.az/news/society/diaspora/1763034.html
http://az.trend.az/news/society/diaspora/1763005.html
http://az.trend.az/news/society/diaspora/1762913.html
http://az.trend.az/news/society/diaspora/1761223.html
http://az.trend.az/news/society/diaspora/1760042.html
http://az.trend.az/news/society/diaspora/1759567.html
http://az.trend.az/news/society/diaspora/1760841.html
http://az.trend.az/news/society/diaspora/1751056.html
http://az.trend.az/news/society/diaspora/1753599.html
http://az.trend.az/news/society/diaspora/1755854.html