Azərbaycan, Bakı, 15 iyul /Trend, müxbir K.Zərbalıyeva/
Qobustan həbsxanasının korrupsiyada ittiham olunan əməkdaşlarının işi məhkəməyə göndərilib.
Baş prokuror yanında Korrupsiyaya Qarşı Mübarizə İdarəsinin rəisi Kamran Əliyev Trend-ə bildirib ki, həbsxananın təsərrüfat şöbəsinin rəis müavini Mütəllim Rzayev və yeməkxananın rəhbəri Səfər Yarıyev Cinayət Məcəlləsinin mənimsəmə və ya israf etmə (179.2.1 və 179.2.3-cü) maddələri ilə ittiham olunurlar.
Əliyev deyib ki, cinayət işinin istintaqı yekunlaşıb və baxılması üçün Qaradağ rayon məhkəməsinə göndərilib.
Həbsxana əməkdaşları məhkumlar üçün ayrılmış ərzaq məhsullarının mənimsənilməsində ittiham olunurlar.