Azərbaycan, Bakı, 19 sentyabr /Trend/
Bu gün Fransanın Monpelye şəhərində bədii gimnastika üzrə dünya çempionatı start götürür. Trend-in məlumatına görə, gimnastların fərdi yarışında Azərbaycanı Aliyə Qarayeva, Zeynəb Cavadlı və Anna Qurbanova təmsil edəcək.
Qrup yarışlarında çıxış edəcək milli komandamızın tərkibinə Ceyla Quliyeva, Aelita Xələfova, Səbinə Abbasova, Anastasiya Prasolova, Stefani Trayanova və Yevgeniya Jidkova daxildir.
Dünya çempionatı sentyabrın 25-dək davam edəcək.