Azərbaycan, Bakı, 30 sentyabr /Trend, müxbir T.Hacıyev/
Gələn həftə Azərbaycanda dövlət qulluğuna qəbulla bağlı müsabiqə elan olunacaq.
Trend-in məlumatına görə, bu barədə cümə günü jurnalistlərə açıqlamasında Prezident yanında Dövlət Qulluğu məsələləri üzrə komissiyanın sədr müavini Vəfadar Misirov deyib.
Onun sözlərinə görə, bütün dövlət orqanları üzrə 400-ə yaxın vəzifənin müsabiqəyə çıxarılması nəzərdə tutulur.
"Mərkəzi icra hakimiyyəti orqanları, məhkəmə orqanları və digər orqanlara qəbul həyata keçiriləcək" Misirov əlavə edib.