Azərbaycan, Bakı, 3 dekabr / Trend müxbir İ. İsabalayeva/
Azərbaycanda yaxın zamanlarda ölkə prezidenti tərəfindən qəbul edilməsi gözlənilən 10 illik təhsil strategiyasında müəllimlərin fəaliyyətinin sertifikatlaşdırılması nəzərdə tutulur. Trend-in məlumatına görə, bunu şənbə günü keçirilən kollegiya iclasında çıxışı zamanı təhsil naziri Misir Mərdanov deyib.
Nazir deyib ki, bu strategiyaya uyğun olaraq yüksək əmək haqqı almaq istəyən müəllimlər müəyyən atestasiyadan keçəcəyi gözlənilir.
"Atestasiyadan uğurla keçən müəllimlər üçün müəyyən əmək haqqı tətbiq ediləcək. Əgər hər hansı müəllim 500 manat almaq istəyirsə, bunun üçün müəyyən imtahan verib, yüksək əmək haqqını əldə edə bilər", - Mərdanov qeyd edib.
Nazir belə bir təcrübənin bütün dünyada tətbiq olunduğunu deyib.