Azərbaycan, Bakı, 9 dekabr /Trend, müxbir İ.İsabalayeva/
Azərbaycana turistlərin 50-55 faizi sərhədyanı ölkələrdən gəlir. Trend-in məlumatına görə, bunu cümə günü jurnalistlərə Mədəniyyət və Turizm Nazirliyinin Turizm şöbsinin müdiri Aydın İsmiyev deyib.
Onun sözlərinə görə, Azəraycana gələn turistlərin çoxu Rusiya, Gürcüstan, İran və Türkiyədəndir.
İsmiyev hazırda bütün dünyada sərhədyanı turizmin çox aktual turizm növü olduğunu xatırladıb.
Azərbaycana il ərzində təxminən 2 milyon turist gəlir. Azərbaycan hökuməti 2015-ci ilə qədər ölkəyə gələn turistlərin sayını 5 milyona çatdırmaq niyyətindədir.