Azərbaycan, Bakı, 2 mart /Trend/
ATƏT-in Bakı ofisi tərəfindən cümə günü cəzaçəkmə müəssisələrinin əməkdaşları üçün növbəti ixtisaslaşmış təlim keçirilib.
Trend-in Penitensiar Xidmətin rəsmi saytına istinadən yaydığı məlumata görə, "Ünsiyyətin qurulması və fiziki qüvvənin tətbiqinin qarşısının alınması" mövzusunda ATƏT-in Bakı ofisində keçirilən təlim Xidmətin tabeliyindəki müəssisələrin məhkumlarla birbaşa təmasda olan kiçik rəis heyətinin nümayəndələri üçün nəzərdə tutulub.
Tədbirdə ekspert qismində ATƏT-in Qanunun Aliliyi şöbəsinin rəisi Monika Martinez və şöbənin əməkdaşı, hüquq məsələləri üzrə mütəxəssis Hans İnge Yorstad iştirak edib.