Azərbaycan, Bakı, 11 iyun /Trend, müxbir İ.İsabalayeva/
Tələbə Qəbulu üzrə Dövlət Komissiyası (TQDK) iyunun 8-də tam və ümumi orta təhsil səviyyələri üzrə keçirdiyi buraxılış imtahanının nəticələrini açıqlayıb.
Komissiyadan bazar ertəsi Trend-ə verilən məlumata görə, nəticələr TQDK-nın rəsmi saytında yerləşdirilib.
İyunun 8-də Sumqayıt, Abşeron, Xətai, Xızı, Siyəzən, Şamaxı, İsmayıllı, Qobustan, Quba, Şabran, Qusar və Xaçmaz şəhərlərinin orta ümumtəhsil müəssisələrinin XI və IX sinif şagirdləri imtahan veriblər.