Azərbaycan, Bakı, 14 iyun /Trend, müxbir İ.İsabalayeva/
Bakı Turizm İnformasiya Mərkəzi III Milli Turizm Mükafatı müsabiqəsini elan edib.
Mərkəzdən cümə axşamı Trend-ə verilən məlumata görə, müsabiqənin məqsədi turizm sənayesinin davamlı inkişafını, xidmət səviyyəsini yüksəltmək, Azərbaycanda mədəni-idraki, ekoloji, sağlamlıq və digər turizm növlərini stimullaşdırmaqdır.
Müsabiqədə təşkilatlar, turizm və hotel biznesi təmsilçiləri, tədris və mədəniyyət təşkilatçıları, turizm infrastrukturuna aid müəssisələr iştirak edə bilərlər.
Qaliblər 27 Sentyabr - Ümumdünya Turizm Günündə mükafatlandırılacaqlar.
Müsabiqədə iştirak etmək istəyənlər iyunun 20-dən sentyabrın 20-dək ərizələrini təqdim edə bilərlər.