Azərbaycan, Bakı, 19 may /Trend/
Azərbaycanda ilk IMAX kinoteatrı açılacaq. Bu barədə Trend-ə "Imax Corp" şirkətindən "Caspian Capital" şirkəti ilə müqavilə bağlanandan sonra bildirilib.
Kinoteatr Bakıda bu ilin oktyabr ayında fəaliyyətə başlayacaq.
"Biz fəxr edirik ki, Azərbaycana IMAX-ı ilk dəfə bizim şirkət gətirib", - Caspian Capital-ın baş direktoru Emin Məmmədov söyləyib.
"Caspian Capital" investisiya qrupu Azərbaycanda kinoteatrlar və bu növ əyləncə mərkəzlərinin tikintisi ilə məşğul olur.
MDB məkanında 50-yə yaxın IMAX kinoteatrı fəaliyyət göstərir.