Gürcüstan, Tbilisi, 20 iyun /Trend, müxbir N.Kirsxaliya/
Gürcüstan Daxili İşlər Nazirliyinin (DİN) əməkdaşları Azərbaycan vətəndaşı Nazim Qəribovu döyməkdə təqsirli bilinən iki şəxsi saxlayıb.
Gürcüstan DİN-dən çərşənbə günü Trend-ə verilən məlumata görə, istintaq nəticəsində müəyyən edilib ki, Rustavi şəhərindəki restoranların birində Qəribov Tornika Arevadze və Vaxtanq Daneliya tərəfindən döyülüb və təhqir olunub.
Şübhəlilər saxlanılıb. İstintaq Cinayət Məcəlləsinin 118-ci maddəsinin üçüncü hissəsi (qəsdən sağlamlığa qismən zərər vurma) üzrə aparılır. Arevadze və Daneliyanın günahı təsdiqlənərsə, onları beş ilədək azadlıqdan məhrumetmə cəzası gözləyir.