Azərbaycan, Bakı, 27 iyun /Trend, müxbir İ.İsabalayeva/
Tələbə Qəbulu üzrə Dövlət Komissiyasının (TQDK) iyunun 24-də Şəki, Baləkən, Qax, Qəbələ, Oğuz, Mingəçevir, Göyçay, Ucar, Kürdəmir, Ağsu və Ağdaşda təhsil alan IX və XI sinif şagirdləri üçün keçirdiyi buraxılış imtahanında 3150 şagird ana dilindən, 1789 şagird riyaziyyat fənnindən "iki" alıb.
Komissiyadan çərşənbə günü Trend-ə verilən məlumata görə, XI sinif şagirdləri üçün keçirilən buraxılış imtahanında iştirak etmiş 10288 şagirdin 857-si Ana dili, 545-i riyaziyyat fənnindən "iki" qiyməti alıb. Ana dili fənnindən XI sinif şagirdlərinin 5810-u "üç", 2366-sı "dörd", 1255-i "beş", riyaziyyat fənnindən şagirdlərin 5670-i "üç", 2532-si "dörd", 1541-i "beş" qiyməti alıb.
IX sinif şagirdləri üçün keçirilən buraxılış imtahanında iştirak etmiş 14493 şagirdin 1244-ü riyaziyyat, 2293-ü ana dili fənnindən "iki" qiyməti alıb.
Ana dili fənnindən IX sinif şagirdlərinin 9855-i "üç", 1530-u "dörd", 815-i "beş", riyaziyyat fənnindən şagirdlərin 9394-ü "üç", 3008-i "dörd", 847-si "beş" qiyməti alıb.
Ümumi (9 illik) və tam orta təhsil bazasında (11 illik) keçirilmiş buraxılış imtahanlarında Ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 5-dən az olmayan şagirdlər müvəffəq qiymət alırlar.
XI sinif şagirdlərinin fənlər üzrə düzgün cavablarının sayının 5 ballıq qiymət şkalasına (2,3,4,5) uyğunluğu aşağıdakı cədvəldə təqdim olunur:
|
Qiymət |
Fənlər üzrə düzgün cavabların sayı |
||
|
Ana dili (Azərbaycan bölməsi) |
Rus dili (rus bölməsi) |
Riyaziyyat |
|
|
2 |
0-4 |
0-4 |
0-4 |
|
3 |
5-16 |
5-16 |
5-15 |
|
4 |
17-25 |
17-24 |
16-25 |
|
5 |
26-30 |
25-30 |
26-30 |
IX sinif şagirdlərinin fənlər üzrə düzgün cavablarının sayının 5 ballıq qiymət şkalasına (2,3,4,5) uyğunluğu aşağıdakı cədvəldə təqdim olunur:
|
Qiymət |
Fənlər üzrə düzgün cavabların sayı |
||
|
Ana dili (Azərbaycan bölməsi) |
Ana dili (rus bölməsi) |
Riyaziyyat |
|
|
2 |
0-4 |
0-4 |
0-4 |
|
3 |
5-14 |
5-14 |
5-14 |
|
4 |
15-23 |
15-22 |
15-21 |
|
5 |
24-30 |
23-30 |
22-30 |