Azərbaycan, Bakı, 18 avqust /Trend, müxbir E.Mehdiyev/
Ramin Həkimov Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumunun (ASAIF) iki illik sədri seçilib.
Trend-in məlumatına görə, ASAİF-in sədrliyinə Ramin Həkimov və Musa Qurbanov öz namizədliklərini vermişdi. Lakin Qurbanov seçki konfransında öz namizədliyini Həkimovun xeyrinə geri götürüb.
Konfransda Mərkəzi Nəzarət-Təftiş Komissiyası üzvlüyünə isə Soltan Bayramov, Cavid Hüseynzadə və Turanə İbrahimova seçilib.
Avqustun 18-də ASAIF-in nizamnaməsinə əsasən, təşkilatın II Hesabat-Seçki Konfransı keçirilib. Konfrans 500 nəfər nümayəndə, dövlət rəsmiləri və fəxri qonaqların iştirakı ilə baş tutub. Tədbir əsnasında təşkilatın fəaliyyət hesabatı konfrans iştirakçılarının diqqətinə çatdırılıb.