Azərbaycan, Bakı, 1 oktyabr /Trend, müxbir İ.İsabalayeva/
Azərbaycan Milli Elmlər Akademiyası (AMEA) sistemindəki elmi təşkilat və müəssisələrdə fəlsəfə doktoru proqramı üzrə doktoranturaya qəbul imtahanının keçirilməsinə oktyabrın 10-dan sonra başlanacaq.
AMEA-nın Doktorantura və kadrlar şöbəsindən bazar ertəsi Trend-ə verilən məlumata görə, artıq doktoranturaya sənəd qəbulu yekunlaşıb.
Bu il AMEA-nın elmi təşkilat və müəssisələrinə fəlsəfə doktoru proqramı üzrə doktoranturaya qəbul üçün 288 yer ayrılıb. Onun 158-i əyani, 130-u qiyabi təhsil forması üzrədir.
Elmlər doktoru proqramı üzrə isə 110 yer ayrılıb.